Naguumapaw si Ligaya

May mga ilang taon din ung naisip kong sayang.... sayang bakit ko binuhos lahat ng panahon ko sa mga bagay na alam ko naman sa simula pa lang wala ng pupuntahan.
.
Pero tatlong pisong sagot ang nahalungkat ko sa aking alaala. Yun yung mga panahong nagsimula akong gawing maligaya na lang si Ligaya. 
.
Akala ko noon un na ang masaya. Akala ko noon yun na ang ligaya. Mas may sasapaw pa pala. 
.
Simula ito nang nakilala ko ang dahilan ng mga ngiti sa labi ko. Naghintay. Naghintay. Naghintay at nagmahal. Di man ako naniwala pero eto na, nagmamahal na nga.
.
May mga taong di natuwa. Meron din nagkibit balikat na lang. Meron ding nawalan na lang na gana. Pero sa huli ang importante masaya si ligaya. 
.
Huli ko man naramdaman ung paguumapaw na ganito, masaya pa din akong ikwento na ang paghihintay sa pinakamamahal mo pala ay di matutumbasan na lahit anong kwento ng nakaraan. Lagi ko lang nasasabi.... naguumapaw si ligaya. 
.
Yung mga nasaktan dahil kay ligaya pasensya na muna darating din yung ligaya na naguumapaw jan sa harap ng pintuan niyo. Pupunuin yung puso mo ng saya. Lalambingin ang braso mo. Hahalikan ang noo mo. Mamahalin ka ng buong pagkatao. Magsisimula ulit ang bagong kwento ng naguumapaw na ligaya sa buhay mo. 
.
Masaya na naman si Ligaya. 

Mt. Pico de Loro

Kaytagal Kitang Hinanap...Sa wakas!

Kaytagal kitang hinanap... mula friendster,

pangalan mo aking tinatype.

pero di kita nakita hanggang sa eto nga,

sa facebook lang pala, pangalan mo bumulagta.

Akala ko nga nakalimutan mo na ako,

Bukod sa mga kuha mo sakin, ngiti mo ang siyang di kailan ma'y mapapako.

Lahat ata ng nakaraan koy nakalimutan ko, bukod sayo,

kaw ang pinaka makulit kong nakilala noong bata pa ako.

Kamusta ka na kaibigan, makulit ka pa din ba ngayon?

Kamusta ka na kaibigan, nangunguha ka pa din ba ng picture?

Kamusta ka na kaibigan, naaalala mo pa ba ako?

Kamusta ka na kaibigan, di kita makakalimutan.

Makwento ka pa din ngayon noh,

Di ka pa din nauubusan ng ikekwento.

Sige, ako naman ang magsasalita,

Buhay ko ay aking ipagkakatiwala.

Bahala ka kung gusto mong maniwala sa akin,

Pero yan ang totoo, kahit kwento ay iyong baliktarin,

Ako ay isang ermitanyo, naghihintay na may dumating,

Magaalaga, aalagaan at mamahalin.

Mukha ka ng koryeana ah,

Pang telenobela ang bida,

Ilang taon nga ba tayong di nagkita,

Hanep, di ako makapaniwala, kausap na kita.

(haba pa to)

Isa itong kabanata sa libro ko,

isang tao na biglaan ang pgdating sa pahina ko,

Masaya akong siya ay nakadaupang palad,

Dito sa mundo, oras lagi ay lumilipad.

Hindi ko aakalain na makakatagpo ko ang isang taong tulad niya,

Bukod tangi, di ko na nga maihambing sa iba,

Pero isang hiling lang naman ang aking bibitawan,

Maging masaya siya saan man siya magpunta.

Salamat kaibigan, ako ay iyong naalala,

kahit sa sandaling pinagbigyan ang mga munting pangarap na mawala,

sa langit, sa ulap, sa ulan... maging sa pagsilay sa iyong mga mata,

Ramdam ko ang iyong paghahanap, bitawan mo na yan! kumawala at maging masaya!

Para sa isang taong, kaytagal hinanap.. sa wakas! 

Ingat ka kaibigan.

MAAMONG MUKHA NG SINTA

MAAMONG MUKHA NG SINTA

Isang maamong mukha ang pinanggalingan,

Guhit sa iyong kamay, sa likod, ang naaalala ng karamihan,

Simulan mo sa husay, ang daming nakakaalam,

Pero bakit pagdating sa puso, blanko ang iyong alam.

Kahit ano pang sabihin mong ganti sa tadhanang may alam,

Madaming nagsabi, baka ayaw mo lang ng pakiramdam,

O baka naman ayaw mo ng may tinatawagan,

Sandali, parang alam ko ang sagot.. ayaw mo lang ata may nakikielam.

Samu’t saring pagkatao ang makikita sa iyo,

Minsan maamo, minsan naman ay lobo,

Sa tuwing pagmamasdan ka sa malayo,

Parang kilala mo ang sarili mo, pero di mo alam ang sinasabi ng tao sayo.

Bawat ngiti na pinapakita mo ay nagiiwan ng tuwa sa puso ng bawat isa,

Bawat kaway mo nagiiwan ng sigla sa kanilang pandama,

Bawat tingin mo ay nagiiwan ng kumpiyansa,

Bawat salita mo ay nagiiwan ng ngiti, kaway at tingin sa pagasa.

Excited Akong Makasama Ka Sa Profile Picture Ko

Excited Akong Makasama Ka Sa Profile Picture Ko

Alam mo ba na hinahanap kita?

Maski sa telepono ko naka –tag favorites ka.

Alam mo bang lagi kitang nakikita?

Lahat ng bagay sa paligid ko, ikaw ang bida.

Sa tuwing nalulungkot ako, babawi palagi itong aking puso.

Minsan na kitang binura sa aking sistema,

Pero ayan pa din.. pabalik balik ang kilig na dating mo.

Kinikilig… napapangiti… tinamaan nga ang pusong ko sa iyo.

Alam kong di puedeng pumagasa sayo,

Malalim ang dahilan mo, di ko maintindihan sa dulo,

Iniisip ko na lang, ayaw mo sa akin para ako ay mawala na lang,

Pero heto’t nangangarap, minsan sana makatabi ka ulit sa iisang unan.

Excited ako… sobra.

Sa iyong mukha, sana ay makita,

Ang iyong sinabi… gusto mo din ako…

Asan na ngayon ito?

Pag dumating iyon, hanep ang palakpak,

Excited akong Makita ang larawan natin sa profile picture ko,

Kahit dumugin ako ng mga taga hanga mo,

Ako naman ang pinili mo.

Excited ako!

...KAW PA RIN.

KAW PA RIN

Sa bawat araw na iba iba ang nakakasalamuha,

Kaw pa rin sinta.

Sa bawat bus at jeep na nasasakyan sa kalsada,

Kaw pa rin sinta.

Ano ba’t hindi na nawala ang pagsinta.

Sa tuwing umiiyak at nagiisa,

Kaw pa rin kasi sinta,

Sa tuwing tumatawa at puso ay kumakaba,

Kaw pa rin kasi sinta.

Ano ba’t hindi na nawala ang pagsinta.

May isang dasal na sana ay pakinggan ng Bathala,

Kaw pa rin sana… sinta.

May isang hiling sa langit na ayokong mabura,

Kaw pa rin sana … sinta.

Di na ata titigil to hanggat hindi nabubuo ang pagasa.

Isang taon… isang buwan… isang lingo… isang araw…

Isang oras… isang minute… isang Segundo…

Isang buhay… para lang sayo!

Kaw pa rin , sinta.

Pumapagasa...

Ang awit ng buhay parang coloring book lang,
May iba, black and white muna,
May iba dotted lines ang bida,
Pansinin mo, isa lang ang kulang.

Ang sagot ng nililigawan parang coloring book lang,
May iba black and white muna,
May iba dotted lines ang bida,
Pansinin mo, isa lang ang kulang.

Ang pagtawid sa kalsada parang coloring book lang,
May iba black and white muna,
May iba dotted lines ang bida,
Pansinin mo, isa lang ang kulang.

Lahat ng yan... isa lang ang kulang.
Pumapagasa pa... isa lang naman ang kulang.

Hanapin ang kulang, hindi coloring book ang kelangan.
Kundi, pagasa... pagasang maitawid ang kalsada.
Pagasang sagutin ng nililigawan.
Pagasang tumawid sa buhay na puno ng kulay.